शरणार्थी सेरोफेरो

अर्काको घरमा आगो लगाउने दुइजना भुटानी शरणार्थीलाई झापाको वेलडाँगीस्थित भुटानी शरणार्थी शिविरवाट आज प्रहरीले पक्राउ गरेको छ ।
यसरी पक्राउ पर्नेमा वेलडाँगी एक वस्ने दावा तामाङ र रविन राई रहेका छन् । दुवै जनाले गत १८ गते सोही शिविरका दल वहादुर मगरको घरमा आगो लगाएका थिए । यसरी लगाइएको आगो अन्य शरणार्थीले तत्काल देखेपछि नियन्त्रणमा लिएका थिए, जसका कारण शिविरमा ठूलो क्षति हुन पाएको थिएन ।
आगो नियन्त्रण गर्ने व्यक्तिहरूलाइ आगो लगाउने व्यक्तिहरूले कार्वाही गर्ने धम्की दिएपछि उनीहरुलाई प्रहरीले नियन्त्रणमा लिएको थियो । उनीहरुले किन आगो लगाउने प्रयास गरेका थिए भन्नेवारे प्रहरीले अनुसन्धान गरिरहेको छ । यसअघि पनि शिविरमा पटक पटक आगलागि हुँदा लाखौको क्षति हुँदै आएको छ ।