'मेरो बिहे भएकै छैन' - नायिका रेखा थापा

नेपालको चर्चित एफ एम कान्तिपुरमा हरेक बुधबार बिहान १० बजे प्रशारण हुने फिल्मी कार्यक्रम 'बाइस्कोप' मार्फत नायिका रेखा थापाले आफू अहिले सम्म अबिबाहित रहेको बताएकी छिन् । रंगकर्मी बिजय 'आवाज' को साथमा आउने सो कार्यक्रम मार्फत रेखाले आफूले अहिलेसम्म बिबाह नगरेको बताईन् । कार्यक्रममा बैशाख महिनाको रेड कार्पेटमा परेकी नायिका रेखाले आफू अबिबाहित भएको मात्र भनिनन् कि उनले अहिले आफ्नो व्याईफ्रेण्डको रूपमा 'DOG' रहेको बताइन् । बैशाख १ गते नयाँ बर्षकै दिन प्रसारण भएको सो कार्यक्रम मार्फत उनले 'DOG' जस्तै इमान्दार र हिफाजत गर्न सक्ने खालको व्याईफ्रेण्ड खोजिरहेको खुलासा गरिन् । रेखाले आफू अहिले सम्म अबिबाहित रहेको बताए पनि उनले चलचित्र निर्माता छबि ओझासँग बिबाह गरेको भन्ने कुरा थाहा नपाउने नेपालीहरू सायद कमै होलान् ।

२०५६ सालमा पहिलो पटक हिरो चलचित्रबाट नेपाली रंगिन दुनियाँमा प्रबेश गरेकी नायिका रेखाले छबिलाई त्यतिनै खेर भेटेकी थिईन् । त्यसपछी यि दुईको भेट निरन्तर हुँदै गएको थियो र त्यसको केहि बर्षमै यि दुई बिबाह बन्धनमा बाँधिएको चर्चा चलेको थियो । नायिका रेखा र छबि बिच बिबाह भएको भन्ने सबैलाई थाहा भएपनि उनीहरूले आधिकारिक रूपमा बिबाह गरेको प्रमाण नदेखिएको केही चलचित्रकर्मीले बताए । आधिकारिक प्रमाण नभेटिए पनि यि दुई बर्षौं देखि पतिपत्नीको रूपमा सँगै बस्दै आएका छन् ।नायिका रेखाको प्रेमप्रसंगलाई लिएर नयाँ पत्रिकाले छापेको एक लेखमा उनले छबिको बारेमा यसो भनेकी थिईन्, 'छवि र मेरोबीचमा प्रेमपत्र नै आदान-प्रदान नभए पनि मनको भाव, चाह र सपनाको साटासाट भने भएको हो । र, भइरहेको पनि छ । त्यसैले ऊ नै मेरो नलेखिएको प्रेमपत्र हो ' उनले भनिन्, 'प्रेमपत्र नलेखेर किशोरावस्थामा जो मन पर्थ्यो, उसलाई मैले गुमाएँ । पछि छवि मेरो जीवनमा आयो । ऊ नै मेरा लागि सबथोक भयो।'
छबि ओझासँग केहि बर्ष अघि बिबाह बन्धनमा बाँधिएकी नायिका रेखाले आफूलाई अबिबाहित भन्दै व्याईफ्रेण्डको खोजी गरिरहेकी छु भन्नु को अर्थ के ? कतै उनले छबिसँग सम्बन्ध बिच्छेद गर्न खोजेकी त हैनन् ? यो प्रश्न आम नेपालीमा उठ्ने छ।