Apr 19, 2010

नेपालको चर्चित एफ एम कान्तिपुरमा हरेक बुधबार बिहान १० बजे प्रशारण हुने फिल्मी कार्यक्रम 'बाइस्कोप' मार्फत नायिका रेखा थापाले आफू अहिले सम्म अबिबाहित रहेको बताएकी छिन् । रंगकर्मी बिजय 'आवाज' को साथमा आउने सो कार्यक्रम मार्फत रेखाले आफूले अहिलेसम्म बिबाह नगरेको बताईन् । कार्यक्रममा बैशाख महिनाको रेड कार्पेटमा परेकी नायिका रेखाले आफू अबिबाहित भएको मात्र भनिनन् कि उनले अहिले आफ्नो व्याईफ्रेण्डको रूपमा 'DOG' रहेको बताइन् । बैशाख १ गते नयाँ बर्षकै दिन प्रसारण भएको सो कार्यक्रम मार्फत उनले 'DOG' जस्तै इमान्दार र हिफाजत गर्न सक्ने खालको व्याईफ्रेण्ड खोजिरहेको खुलासा गरिन् । रेखाले आफू अहिले सम्म अबिबाहित रहेको बताए पनि उनले चलचित्र निर्माता छबि ओझासँग बिबाह गरेको भन्ने कुरा थाहा नपाउने नेपालीहरू सायद कमै होलान् ।
काठमाडौ, वैशाख ६ -  राजधानीमा जारी इन्डियन फिल्म फेस्टिभलको अन्तिम दिन आइतबार बिहान भृकुटीमण्डपस्थित पर्यटन बोर्ड हलमा दर्शक खचाखच थिए, फिल्म हेर्न होइन, नेपाल-भारतका चलचित्रकर्मीको अनुभव सुन्न । स्टेजमा थिए, अलगधारको भारतीय फिल्म निर्देशनमा पहिचान बनाएका गोविन्द निहलानी, अभिनेत्री नन्दिता दास, प्रोफेसर सोहिनी घोससँगै नेपाली मेगास्टार राजेश हमाल ।  
'चर्चाकै लागि हो भने म बलिउड सूत्रमा फिल्म बनाउँथे हुँला,' नक्सलवाडी आन्दोलनको असरमाथि 'हजार चौरासी की मा,' गुजरात दंगामाथि 'देव' लगायतका अलगधारको फिल्म बनाएका उनले भने, 'तर त्यस्ता फिल्मबाट मनमा आनन्द
मिल्दैन ।'
फरक धारमै जमेकी नायिका नन्दिताले सुरुमै आफ्नो पारिवारिक पृष्ठभूमि बताउन थालिन् । 'म जन्मेकै घर एउटा आदर्श नमुना थियो,' फिल्मको कुरा गनर्ुअघि उनले भनिन्, 'आमा जागिरे हुनुहुन्थ्यो, बुवा घरभित्र पेन्टिङ गनर्ुहुन्थ्यो ।

Apr 11, 2010

विराटनगर, चैत्र २९ - फरक केही गर्ने अभ्यासले उनलाई एउटा 'आइडिया' फुरायो । शनिवार विराटनगरमा आफ्नो नयाँ म्युजिक भिडियो सञ्चारकर्मीमाझ सार्वजनिक गरेका कलाकार श्रीकृष्ण लुइँटेलले भने 'यसको ड्रेस र मेकअप मिलाउनमात्रै तीन दिन लाग्यो ।
'ए बा , किन्देउन भटभटे' बोलको गीतबाट चर्चा पाएका पूर्वेली युवा गायक लुइँटेलले यसपटक आफ्नो गीत 'म आधा केटा आधा केटी' भन्नेमा म्युजिक भिडियो बनाएका छन् । इटहरीको तालतलैयामा छायांकन गरिएको चार मिनेट २४ सेकेण्डको यो म्युजिक भिडियोमा उनीमात्र छन् । अन्य कलाकारलाई पर्दामा देखाइदैन् ।
शरीरको आधा भागमा केटा र आधा भागमा केटीको मेकअपमा सजिएका उनले फरक प्रकारको भावभंगिमा प्रस्तुत गरेका छन् ।

Apr 7, 2010

हिन्दी सिनेमाकी नेपाली अभिनेत्री मनीषा कोइरालाले आफूभन्दा सात वर्ष कान्छो युवालाई श्रीमान् बनाउने भएकी छिन् । ४० टेकेकी मनीषाले ३३ वर्षीय सम्राट दाहालसँग आगामी ५ असारमा बिहे गर्दै छिन् ।स्थानीय विकास मन्त्रालयले खोलेको ठेक्काको विषयमा पत्रकारहरूसँग केही दिनअगाडि कुरा गर्दै सम्राट आफैंले भनेका थिए, ‘म त भर्खर ३३ वर्षको भएँ ।’ उता उनकी जोडी मनीषाले पनि आफू ४० वर्ष भएको बताइसकेकी छिन् ।

Apr 6, 2010

भूटानी शरणार्थीले घर फिर्तीको माग राख्दै भूटानमा हुन लागेको सार्क शिखर सम्मेलनमा ज्ञापनपत्र बुझाउने भएका छन् ।
झापा र मोरङका सातवटै शिविरमा मत संकलन गरी स्वदेश फिर्ती माग सार्क सम्मेलनसम्म पुर्याउन लागिएको हो ।
रिले मार्च कार्यक्रमका संयोजक बादल थापाको नेतृत्वमा शिविरहरुमा स्वदेश फिर्तीको मत संकलन गरी गर्न सुरु गरिएको छ ।
भूटानी प्रजातान्त्रिक मोर्चाले पनि स्वदेश फिर्तीको लागि सार्कमा दबाव सृजना गर्न लविङ सुरु गरिएको बताउनु भयो । पुनर्वास कार्यक्रम शुरु भएसँगै स्वदेश फिर्ती पक्षधरहरुको आन्दोलन भने ओझेलमा पर्दै आएको छ ।